1. Almenn ákvæði

Seljandi er GÞ skartgripir og úr ehf., kt. 440304-2490, Bankastræti 9, 101 Reykjavík, Ísland.
Netfang: oli@skartgripirogur.is
VSK-númer: 82170

Kaupandi er sá einstaklingur eða lögaðili sem gengur til samnings við seljanda um kaup á vöru, óháð því hvort varan er ætluð til eigin nota eða gefin sem gjöf.

Öll verð eru uppgefin í íslenskum krónum (ISK) og með virðisaukaskatti, nema annað sé sérstaklega tekið fram. Seljandi áskilur sér rétt til að taka vörur úr sölu án fyrirvara.

Greiðslumátar sem eru í boði eru þeir sem birtir eru við afgreiðslu pöntunar.

2. Verð, villur og framboð

Öll verð eru birt með fyrirvara um prentvillur, rangar verðmerkingar, tæknilegar villur og rangar lagerupplýsingar. Komi í ljós augljós villa í verði, lýsingu eða framboði vöru áskilur seljandi sér rétt til að hafna pöntun og endurgreiða kaupanda að fullu.

3. Pöntun og afhending – vefverslun

Pantanir eru að jafnaði afgreiddar innan 0–2 virkra daga. Afhending fer fram með flutningsaðila. Um flutning gilda skilmálar viðkomandi flutningsaðila.

4. Afgreiðsla pantana – sótt í verslun

Kaupandi fær tilkynningu þegar vara er tilbúin til afhendingar í verslun. Afhending fer fram innan opnunartíma.

5. Réttur til að falla frá samningi – fjarsala

Við kaup í vefverslun gildir 14 daga afturköllunarréttur samkvæmt lögum nr. 16/2016.

Kaupandi hefur rétt til að falla frá samningi án þess að tilgreina nokkra ástæðu innan 14 daga frá þeim degi sem hann, eða þriðji aðili sem hann tilnefnir (annar en flutningsaðili), tekur við vörunni.

Til að nýta réttinn til að falla frá samningi skal kaupandi tilkynna seljanda ákvörðun sína með ótvíræðri yfirlýsingu, til dæmis með tölvupósti á oli@skartgripirogur.is. Kaupandi getur notað staðlað afturköllunareyðublað Neytendastofu, en það er ekki skylda.
https://neytendastofa.is/library/Files/Neytendarettarsvid/eyðublað_.docx
Til að fresturinn teljist virtur þarf tilkynning um afturköllun að hafa borist innan frestsins.

Ef kaupandi fellur frá samningi skal hann skila vörunni til seljanda innan 14 daga frá því að tilkynning um afturköllun var send.

Ef kaupandi fellur frá samningi mun seljandi endurgreiða allar greiðslur sem hann hefur móttekið frá kaupanda, þ.m.t. afhendingarkostnað, að undanskildum viðbótarkostnaði ef kaupandi hefur valið annan afhendingarmáta en ódýrasta staðlaða afhendingarmáta sem seljandi býður.

Endurgreiðsla fer fram án ástæðulausra tafa og eigi síðar en innan 14 daga frá því að vara hefur borist seljanda. Seljandi mun endurgreiða með sama greiðslumáta og kaupandi notaði við upphafleg viðskipti, nema kaupandi hafi sérstaklega samþykkt annað. Kaupandi ber ekki kostnað af slíkri endurgreiðslu.

Endurgreiðsla fer ekki fram fyrr en vara hefur borist seljanda, verið móttekin og yfirfarin, þar á meðal með tilliti til ástands hennar og mögulegrar rýrnunar verðgildis.

Kaupandi ber allan beinan kostnað við að senda vöruna til baka, þar með talið póst- og sendingarkostnað. Ef einungis hluti pöntunar er skilaður endurgreiðist afhendingarkostnaður ekki.

Kaupandi ber ábyrgð á vörunni og sendingu hennar þar til hún hefur borist seljanda. Kaupandi ber ábyrgð á rýrnun verðgildis vöru sem stafar af meðferð hennar umfram það sem nauðsynlegt er til að staðfesta eðli, eiginleika og virkni vörunnar. Seljanda er heimilt að draga slíka rýrnun frá endurgreiðslu.

Ákvæði þessa kafla hafa ekki áhrif á lögbundinn rétt kaupanda til að bera fyrir sig galla samkvæmt lögum nr. 48/2003 um neytendakaup.

6. Undanþágur frá afturköllunarrétti

Afturköllunarréttur gildir ekki um sérsmíðaðar vörur, vörur framleiddar samkvæmt forskrift kaupanda eða vörur sem hafa verið breytt eða aðlagaðar að beiðni kaupanda, svo sem áletranir eða stærðarbreytingar.

7. Skiptiréttur í verslun

Við kaup í verslun býður seljandi 30 daga skiptirétt sem þjónustu.

Skiptiréttur er bundinn því skilyrði að vara sé ónotuð, í söluhæfu ástandi og án merkja um notkun. Komi fram skýr merki um notkun eða skemmdir áskilur seljandi sér rétt til að hafna skiptum.

Skiptiréttur veitir rétt til skipta í aðra vöru eða inneignarnótu. Endurgreiðsla í reiðufé eða á greiðslukort er ekki í boði.

Skiptiréttur gildir ekki um afsláttarvörur, útsöluvörur, rýmingarvörur né sérsmíðaðar eða aðlagaðar vörur.

8. Gjafaskiptimiðar – vefverslun

Gjafaskiptimiði er sjálfviljug þjónusta seljanda sem er veitt til viðbótar við lögbundinn rétt kaupanda samkvæmt lögum nr. 16/2016 um neytendasamninga.

Gjafaskiptimiðar eru ætlaðir til notkunar af þeim sem fær vöru að gjöf og gilda um skipti samkvæmt skilmálum þessa kafla. Skilmálar gjafaskiptamiða hafa ekki áhrif á rétt þess sem gerði kaupin og er samningsaðili við seljanda.

Allar vörur keyptar í vefverslun bera gjafaskiptimiða nema annað sé sérstaklega tekið fram.

Gjafaskiptimiði gildir í 30 daga frá kaupdegi. Vörur keyptar í nóvember og desember bera gjafaskiptimiða sem gildir út fyrstu vikuna í janúar.

Gjafaskiptimiði gildir ekki um:

vörur á útsölu sem bera 25% afslátt eða hærri,

rýmingarvörur,

eða aðrar vörur þar sem það er sérstaklega tekið fram.

Nýting gjafaskiptamiða er bundin því skilyrði að varan sé ónotuð, óskemmd og í söluhæfu ástandi. Seljandi áskilur sér rétt til að hafna skiptum ef vara ber merki um notkun eða meðferð sem rýrir verðgildi hennar.

Gjafaskiptimiði veitir ekki rétt til endurgreiðslu, heldur einungis skipta í aðra vöru eða inneign samkvæmt skilmálum seljanda.

Gjafaskiptimiðar hafa engin áhrif á lögbundinn rétt kaupanda til að falla frá fjarsölusamningi, sbr. kafla 5 skilmálanna.

9. Gullhringir og aðlögun

Við kaup á gullhringjum býður seljandi eina ókeypis aðlögun á stærð innan 30 daga frá kaupum.

Ef aðlögun krefst viðbótar efnis, svo sem stækkunar umfram 3 mm, skal kaupandi greiða fyrir umfram efni samkvæmt gildandi verðskrá.

Eftir að stærð hrings hefur verið breytt telst varan sérsniðin að beiðni kaupanda.

10. Inneignarnótur

Inneignarnóta er gefin út að upphæð sem nemur því verði sem greitt var fyrir vöruna.

Inneignarnótur gilda í 5 ár frá útgáfudegi og má nýta á vörur á fullu verði og afsláttarvörur.

11. Gallar, ábyrgð og viðhald skartgripa

Seljandi veitir lögbundinn rétt vegna galla samkvæmt lögum nr. 48/2003 um neytendakaup.

Réttur neytenda til að bera fyrir sig galla getur gilt í:

að lágmarki 2 ár

allt að 5 ár, ef eðli vöru og notkun gefa tilefni til

Ábyrgð tekur ekki til eðlilegs slits, rispa, höggs eða annarra ytri áhrifa. Rafhlöður í úrum teljast slitvara nema galli sé til staðar við afhendingu.

Skartgripir með festum gimsteinum eða demöntum eru viðkvæmir fyrir höggum, togum og eðlilegu sliti.

Seljandi mælir með reglulegri þjónustuskoðun skartgripa, sérstaklega hringa sem eru notaðir daglega. Slík skoðun getur dregið úr líkum á að steinar losni.

Losnun steina eða skemmdir sem rekja má til slits, höggs eða notkunar teljast almennt ekki framleiðslugalli. Þetta hefur þó ekki áhrif á rétt kaupanda ef um raunverulegan framleiðslugalla er að ræða.

Komi fram galli skal kaupandi tilkynna seljanda innan hæfilegs tíma. Seljandi getur boðið viðgerð eða nýja vöru, ella afslátt eða riftun samkvæmt lögum.

12. Kæruleiðir

Kaupandi getur leitað til Kærunefndar vöru- og þjónustukaupa, Borgartúni 21, 105 Reykjavík, www.kvth.is.

13. Lög og varnarþing

Um skilmála þessa gilda íslensk lög. Ágreiningur skal rekinn fyrir íslenskum dómstólum samkvæmt reglum um varnarþing neytenda.

14. Persónuvernd

Vinnsla persónuupplýsinga fer fram í samræmi við persónuverndarstefnu seljanda, sem er birt sérstaklega á vefsíðu.